之前係FB見到一個活動，可以有10 個自己logo同30個普通口罩拎返屋企，見個活動又幾特別。話晒口罩都係日日戴，所以都好想睇下口罩個生產過程，仲可以設計logo印落口罩度，所以就報名帶小小豬一齊去參觀啦！
入到口罩工場聽哥哥介紹成個製造流程，係對道口罩了解多左(尤其每事問嘅小小豬真係問得好長氣..哈哈)。之後就去戶外設計自己LOGO、聽環保小故事同DIY口罩盒。可能同場小朋友都係比較細，故事都針對佢地嚟講，所以小小豬話有啲悶，不過整體活動係OK嘅，只係我地係戶外地方做工作坊時比較熱。
以平日零藝術天份，畫嘅都係畫火柴人嘅小小豬嚟講，今次真係有啲驚喜，佢好俾心機畫個公仔，估唔到又真係畫得幾好，而且印出嚟效果都唔錯，所以……咁就呃左我$138加訂多30個。(不過...我話左係下個月零用錢扣返...呵呵呵)
$280一大一細入去....抵唔抵就見人見智，不過平日比較少嘅睇到但又日日都要戴，所以就當係一個體驗啦！
唯一美中不足係工場內唔可以影相，冇得留個紀念。不過都明嘅....衛生安全最重要嘛~
Ls Surgical Mask
Search